Amser ysgwyd cynffon - dyma syniadau i chi am fwytai a gwestai.

Os mai mynd am dro ar ben mynydd, crwydro mannau agored y sir, neu weld rhaeadrau sy'n mynd â'ch bryd chi, Rhondda Cynon Taf yw'r lle perffaith i gŵn ddod â'u perchnogion! Amser ysgwyd cynffon - dyma syniadau i chi am fwytai a gwestai.

Gwesty Neuadd Llechwen

Rhowch gyfle i'ch ci ymlacio mewn lleoliad moethus, a breuddwydio am redeg ar ôl cathod yn Neuadd Llechwen. Mae croeso i gŵn yn y gwesty gwledig yma, sydd yng nghanol cefn gwlad agored. Rhagor o wybodaeth

Gwesty a Chlwb Iechyd Maenordy Meisgyn

Mae'r hen faenordy hanesyddol yma wedi'i leoli o fewn gerddi syfrdanol ac mae'r tu mewn yn well byth. Mae croeso mawr i'ch tywysog neu dywysoges bedair coes aros gyda chi yn y llety moethus yma. Rhagor o wybodaeth

Gwesty Dunraven

Ar gopa'r Rhondda Fawr, dyma westy mewn lleoliad delfrydol i fwynhau antur gyda'ch cŵn.

O'r gwesty, mae modd mynd â'ch ci am dro trwy'r goedwig hynafol ac yn uchel i fyny'r mynyddoedd, gan gynnwys Pen-pych a Rhigos.

Mae ystod o ystafelloedd, man storio beiciau a bwyd arbennig ar gael o fore gwyn tan nos yma.

Gwaelod Y Garth Inn

Yng ngardd y dafarn nodedig yma, mae tap cwrw (dŵr) ar gael ac mae croeso i gŵn aros dros nos yn rhai o'r ystafelloedd.

Mae Tafarn Gwaelod-y-garth wrth waelod Mynydd y Garth (mae taith gerdded i fyny'r mynydd gyda ni os oes diddordeb gyda chi) ym mhentref Ffynnon Taf, sef lleoliad ffilm Hugh Grant 'The Englishman Who Went Up A Hill And Came Down A Mountain'. Yn ôl y sôn, siop DIY y pentref oedd yr ysbrydoliaeth ar gyfer siop Arkwright yn 'Open All Hours". Rhagor o wybodaeth

Parc Gwledig Cwm Dâr

Dyma fan agored anhygoel arall sy'n llawn pethau i'w gwneud, eu gweld - a'u harogli! Mae Parc Gwledig Cwm Dâr yn gartref i Barc Beiciau Disgyrchiant ar gyfer Teuluoedd, y cyntaf o'i fath yn y DU. Mae'n cynnwys llwybrau beicio trwy'r mynyddoedd, trac pwmpio a chwrs beiciau ar gyfer plant bach. Mae modd llogi beiciau a manteisio ar wasanaeth teithio i fyny'r llwybrau mynydd hefyd.

Mae digonedd o lwybrau cerdded - beth am gerdded ger y llyn a mwynhau'r byd natur? Neu i'r rhai sy'n dymuno cynyddu curiad y galon, beth am fynd am dro yn uchel yn y mynyddoedd? Bydd digon o ymarfer corff i'r cŵn a'u perchnogion. Mae croeso mawr i gŵn yn Nghaffi Cwtsh – mae hufen iâ sy'n addas i gŵn yn y rhewgell bob tro!

Caiff cŵn aros yn y llety ar y safle ac ar y maes carafanau. Rhagor o wybodaeth

Yr Hen Bopty

Mae’r bwthyn bach, twt yma ar lannau'r Afon Taf wedi’i adnewyddu i safon uchel ac mae mewn lleoliad gwych, o fewn pellter cerdded i Bontypridd a llawer o lwybrau cerdded a beicio. Rhagor o wybodaeth