Mae'n bryd i fynd ar antur deuluol yn Rhondda Cynon Taf
Mae RhCT yn gyrchfan i'r teulu cyfan. Mae yma brofiadau ac anturiaethau anhygoel iddyn nhw eu mwynhau ac mae gyda ni amrywiaeth o ddewisiadau o ran llety y byddan nhw wrth eu boddau â nhw! Dyma rai o'n hoff opsiynau sy'n addas ar gyfer teuluoedd.
Parc Gwledig Cwm Dâr
Mae Parc Gwledig Cwm Dâr yn gartref i Disgyrchiant, Parc Beiciau ar gyfer Teuluoedd cyntaf y DU. Defnyddiwch y gwasanaeth codi i'ch tywys i ben y mynydd i reidio lawr y llwybrau. Galwch heibio'r traciau pwmp. Mae hyd yn oed cwrs beic balans lliwgar i'r rhai bach. Cewch ddod â'ch beic eich hun neu logi un o'n beiciau ni.
![Parc Gwledig Cwm Dâr](/image-library/dvcpbanner2.x1cf6cf7c.jpg?w=1274&h=900&crop=1000,900,137,0)
Mae Parc Gwledig Cwm Dâr yn enfawr, gyda maes chwarae antur, teithiau cerdded, anturiaethau ar lan y llyn, a digonedd o le ar gyfer reidiau sgwter, picnics, pêl-droed a rhagor.
Mae Caffi Cwtsh yn gwerthu popeth o de a chacen i ginio rhost.
Mae yna safle newydd i garafanau/cerbydau gwersylla/cartrefi modur gyda chyfleusterau modern a chysylltiadau trydanol.
Mae Cwm Dâr yn safle Awyr Dywyll felly mae ganddo awyr glir fel crisial gyda'r nos i chi gael cysgu oddi tano.
![Sunshine and clouds over one of the lakes at Dare Valley Country Park](/image-library/DVCPbanner.x79c72066.jpg?crop=1000,900,0,50)
Lido Cenedlaethol Cymru, Lido Ponty,
Gyda thri phwll awyr agored wedi'u gwresogi, cwrs rhwystrau teganau gwynt, a phwll sblasio â ffynnon i'r rhai bach, mae Lido Ponty yn siŵr o blesio'r teulu i gyd.
Dewch i orffwys ar lolfa haul neu fynd i nôl coffi o Waffle House ac ymlacio ar y teras.
![Lido Cenedlaethol Cymru, Lido Ponty,](/image-library/Lido-main.x4cccd9bc.jpg?crop=1000,900,129,0)
Cymerwch amser ar ôl nofio i grwydro o gwmpas Parc Coffa Ynysangharad a thref hyfryd Pontypridd.
Peidiwch ag anghofio ymweld â maes chwarae antur enfawr Lido Play - bydd y plant wrth eu boddau! Mae Parc Coffa Ynysangharad, sy'n gartref i Lido Ponty, yn hynod o brydferth.
Yn y parc mae bandstand, gardd isel, a cherflun yn dathlu Evan a James James, a gyfansoddodd 'Hen Wlad Fy Nhadau' wrth gerdded yn y parc.
![lido banner image2](/image-library/bannerandtileimages/lidobannerimage2.x010e260a.jpg?w=1000&h=912&crop=1000,900,0,6)
Zip World Tower
Gwibiwch o ben Mynydd y Rhigos ar 'Phoenix', y llinell sip gyda sedd gyflymaf yn y byd.
Bydd plant iau yn dwlu ar y Tower Flyer.
Reidiwch 'Tower Coaster', yr unig un o'i math yn Ewrop, a chadwch lygad mas am 'Tower Climber', cwrs rhwystr uchel sy'n agor yn fuan.
Mae Zip World Tower wedi'i adeiladu ar safle hen Lofa'r Tŵr, ac mae modd i chi edmygu'r olygfa wrth i chi fwyta yn y bwyty ar y safle, Cegin Glo.
![zip world tower flyer](/image-library/blog/Kid-friendly-RCT/zipworldtowerflyer.xf8790b77.jpg?w=1000&h=1003&crop=1000,900,0,52)
Taith Pyllau Glo Cymru
Mae teuluoedd yn dwlu ar gwrdd â’n tywyswyr teithiau – buodd pob un ohonyn nhw'n gweithio fel glowyr pan oedden nhw'n fechgyn.
Wnaeth glo o’n cymoedd ni helpu i bweru’r byd a sbarduno’r Chwyldro Diwydiannol. Hanes epig rydyn ni'n falch o'i hadrodd yw hi. Mwyngloddio sydd wedi llywio ein tirwedd a’n cymunedau, a thanio ein cariad at deulu, cerddoriaeth a chanu.
Cewch chi helmed glöwr i'w gwisgo cyn mentro ar daith o dan y ddaear ac yn ôl mewn amser. Reidiwch DRAM! ac archwiliwch weithfeydd mwyngloddio gwreiddiol ac arteffactau eraill yn y cwrt.
![AWCME banner7](/image-library/bannerandtileimages/AWCMEbanner7.x36de9f6c.jpg?w=1036&h=900&crop=1000,900,18,0)
Profiad y Bathdy Brenhinol
"Allwedd arian a egyr pob clo" – ac mae hanes i'w ddatgloi'n sicr wrth ymweld â Phrofiad y Bathdy Brenhinol.
Ewch y tu ôl i lenni'r sefydliad 1,000 oed yma a symudodd i Gymru o Dŵr Llundain.
Darganfyddwch sut mae darnau arian yn cael eu creu, bathwch eich darn arian eich hun ac edmygwch y delwau wedi'u creu o ddarnau arian 1c. Mae'r siop anrhegion yn le perffaith i gasglwyr darnau arian.
Llantrisant Hanesyddol
Camwch yn ôl i ddyddiau pobl ecsentrig oes Fictoria, brenhinoedd wedi'u dal a rhyfelwyr di-ofn yn y dref hanesyddol ar ben bryn, Llantrisant.
Am le mor fach, mae llwyth o bethau i'w gwneud.
Ymwelwch ag adfeilion y castell ac ewch i drio'r cyffion gwddf!
Mae neuadd y dref yn dod â hanes yn fyw a bydd plant yn dwlu ar y profiadau rhyngweithiol.
Cerddwch ar y comin, ewch i gwrdd â'r merlod ac ewch ar un o'r Teithiau Cerdded Cwningen i ben bryn dirgel Billy Wynt.
![guildhall llantrisant kid friendly](/image-library/guildhall-llantrisant-kid-friendly.x5301248a.jpg?crop=1000,900,129,0)
Parc Gwledig Barry Sidings
Ewch ati i redeg, neidio ac ymestyn cymaint ag yr hoffech chi yn y gornel brydferth yma o Rondda Cynon Taf.
Mae llyn, maes chwarae antur, trac pwmp i feiciau a chaffi anhygoel sy'n gwerthu byrgers, ysgytlaeth a mwy.
Ewch am dro hamddenol drwy'r parc neu i gerdded yn uchel yn y mynyddoedd cyfagos – eich dewis chi yw hi!
Paradwys i rai sy'n hoff o natur
Lle i ddianc rhag y cyfan a mwynhau awyr iach, heddwch a thawelwch, yw Parc Gwledig Cwm Clydach.
Yma fe welwch chi ddau lyn – un sy’n brysurach ac yn llawn hwyaid a gwyddau i’w bwydo a chaffi ar lan y llyn. Cerddwch ychydig ymhellach at y llyn uwch tawel lle bydd cyfle i weld y crëyr sy'n byw yno.
![clydachvalebanner](/image-library/bannerandtileimages/clydachvalebanner.x1fc4983e.jpg?crop=1000,900,267,0)
Cwrso Rhaeadrau
Darganfyddwch raeadrau "cudd" a phyllau trochi sy'n glir fel crisial. Mae taith gerdded Pen-pych yn eich tywys chi drwy hen goedwig, heibio rhaeadr a phwll, i fyny at un o olygfeydd gorau'r ardal.
![Scwd-yr-Eira - Waterfall](/image-library/blog/Kid-friendly-RCT/ScwdyrEiraWaterfall.xc0bb16a4.jpg?crop=1000,900,178,0)
Llanwonno
Mae Coedwig Llanwynno yn daith gerdded addas i deuluoedd lle mae modd i chi ddod o hyd i gronfa ddŵr gudd a rhaeadr hardd Pistyll Goleu. Galwch heibio Eglwys Sant Gwynno i weld man gorffwys olaf Guto Nyth Brân, dyn cyflymaf y byd ar un adeg. Mae'r Rasys Ffordd Nos Galan yn cael eu cynnal bob blwyddyn er cof amdano
![clydach reservoir martinagg](/image-library/ClydachReservoirMartinagg.x07df4705.jpg?crop=1000,900,501,0)
Bwyta
Mae digonedd ar y fwydlen yn Rhondda Cynon Taf. O enwau'r stryd fawr a bwyd tafarn cyfarwydd i rywbeth arbennig.
Mynnwch fwyd parod o Penaluna's Famous Fish & Chips yn Hirwaun, sydd wedi ennill gwobrau, ac ewch i fwyta 'al-fresco' ar ben Mynydd y Rhigos. Ceisiwch ddewis o blith dros 60 o flasau hufen iâ yn Sub Zero ym Mhenrhiw-fer neu mwynhewch tapas, pizza neu rywbeth arall yng Ngwesty Bistro’r Cardiff Arms yn ein tref arobryn, Treorci.
![barry sidings ice cream picnic summer kid friendly](/image-library/barrysidingsicecreampicnicsummerkidfriendly.x4920b9af.jpg?crop=1000,900,175,0)
Cwrdd â'r alpacas yn Fferm Garth Hall
Bydd y plant bach wrth eu boddau'n cwrdd â'r alpacas - ac efallai'n mynd â nhw am dro - yn Fferm Garth Hall. Ymwelwch â fferm go iawn er mwyn gweld sut mae'n cael ei chynnal o ddydd i ddydd. Ewch i gwrdd â’r alpacas cyn mynd â nhw am dro drwy'r dirwedd wledig hardd
![Take a walk with the Alpacas at Garth Hall Farm](/image-library/Take-a-walk-with-the-Alpacas-at-Garth-Hall-Farm.x9dea5363.jpg?crop=1000,900,0,33)
Sinema
Prynwch bopgorn ac ymlaciwch yn eich sedd i wylio ffilm boblogaidd gyda’r teulu yn Showcase Cinema yn Nantgarw. Mae Theatr y Parc a'r Dâr a Theatr y Colisëwm yn cynnal sesiynau ffilmiau hefyd.
![Untitled design - 2023-07-21T111832.143](/image-library/Untitled-design-2023-07-21T111832.143.x98a6a291.jpg?w=1074&h=900&crop=1000,900,37,0)
Parc Aberdâr
Ewch ar gwch (cewch chi ddewis alarch neu ddraig!) ar y llyn cychod Fictoraidd a chasglwch ychydig o fwyd o'r caffi ar gyfer y gwyddau a hwyaid sy'n byw yno. Sblasiwch ddŵr ym Mhad Sblasio AquaDare ac ewch yn wyllt yn y maes chwarae enfawr. Dewch o hyd i’r ffynnon ddŵr, sy’n un o ddwy yn unig yn y byd - mae un arall y tu allan i westy moethus Raffles yn Singapore!
![aberdare park kid friendly aquadare splash park](/image-library/blog/aberdareparkkidfriendlyaquadaresplashpark.xb7901b4b.jpg?crop=1000,900,236,0)